Американскиот претседател Барак Обама во интервју за германска телевизија рече дека нема да дозволи американското шпионирање да ги оштети односите со Германија и со другите сојузници. Обама во интервју за германската телевизија ЗДФ, кое се емитуваше синоќа рече дека тој има изградено блиски односи со германската канцеларка Ангела Меркел и не може да им овозможи на американските операции за набљудување да ја оштетат довербата. Обама, изјави дека „се додека е претседател на САД, германската канцеларка не треба да се грижи за тоа.“ Интервјуто уследи по извештаите дека американската Национална агенција за безбедност следела комуникации на европски граѓани, меѓу кои и мобилниот телефон на канцеларка Ангела Меркел.