Високиот комесар за човекови права на Обединетите Нации Нави Пилај ги предупреди вооружените опозициони групи во Сирија дека егзекуциите и незаконските убиства можат да бидат третирани како воени злосторства. Во изјавата, објавена денеска, Пилај наведува дека има извештаи дека во јужна Сирија во изминатите две недели, имало масовни егзекуции на цивили кои веќе не учествувале во борбите. Пилај потсетува на Женевската конвенција, според која оние што не учествуваат активно во борби, треба да се третираат хумано.
