Европската комисија денеска повика на силна и координирана акција во борбата против растечката закана од политички екстремизам во Европската унија. Еврокомесарот за внатрешни работи Сесилија Малмстрем предупреди дека малку членки на Унијата во вистинска мера се фаќаат во костец со оваа закана. Таа додаде дека Комисијата за спроведување на проектот за помош на луѓето да ги напуштат потенцијално насилните групи и за користење на интеренетот против екстремистичката пропаганда, ќе издвои околу 20 милиони евра.
