Бројот на баратели на азил кои се наоѓаат во прифатните центри во Данска, се намалува, јавуваат данските медиуми. Во моментов во центрите имало 5 илјади и 300 азиланти, што е за илјада помалку во споредба со септември минатата година. Од данскиот Црвен крст велат дека намалувањето на бројот е поради забрзаната процедура на разгледување на барањата за азил и нивно враќање од каде што дошле. Најмногу вратени лажни азиланти се од Србија, 658. Следуваат: Косово со 65, Албанија со 26 и Македонија со 25 лажни азиланти.