Лидерот на мнозинството во Претставничкиот дом на американскиот Конгрес Ерик Кантор денеска изјави дека очекува во идната недела да биде усвоена одлука за привремено финансирање со цел да не дојде до затворање на владата до 18 јануари. Законодавците преговараат околу договорот за трошоците по 15 јануари кога истекува последниот предвиден рок за тоа. Но, доколку тие нема да го испочитуваат датумот, тогаш ќе биде потребно привремено финанирање на работата на владата.
