„Сигурен сум дека патувам за Атина добро подготвен. Секако дека мојата подготвеност се однесува и за односите меѓу Грција и Македонија за кои сигурен сум дека ќе се разговара.“ Ова за Дојче веле го изјави германскиот министер за надворешни работи Франк Валтер Штајнмаер. Тој вчера во Берлин имаше разговори со шведскиот ресорен колега Карл Билд кој изјави дека за надминување на спорот „Скопје и Атина треба да бидат конструктивни и да бидат подготвени да направат компромис. Штајнмаер за време на дводневната посета на Атина ќе разговара со претседателот Папуљас, премиерот Самарас, шефот на дипломатијата Венизелос и со други пратеници и стопанственици.
