Турскиот премиер Реџеп Таип Ердоган изјави дека нема да се противи на повторено судење на воените офицери осудени за заговор за уривање на неговата влада пред една деценија. Стотици офицери се во затвор, а војската во минатата недела поднесе жалба за сите случаи, наведувајќи дека доказите биле фабрикувани. До ова дојде по растечките политички тензии околу корупцискиот скандал кој доведе до неколку оставки на министрите во турската влада.
