Американскиот државен секретар Џон Кери се надева дека ќе ги намали недоразбирањата меѓу израелците и палестинците во мировните преговори што треба да почнат денеска. Кери вчера замина од Вашингтон на прва посета на Блискиот Исток по божиќните празници. Претходно, претседателот на палестинската власт Махмуд Абас изјави дека палестинците би требало да преземат дипломатска и законска акција против изградбата на нови израелски населби.
