Американските власти избраа шест држави каде што ќе се тестираат беспилотни летала. Станува збор за Аљаска, Невада, Њујорк, Северна Дакота, Тексас и Вирџинија. Таму овие летала ќе се тестираат за комерцијални цели. Беспилотните летала веќе се упоптребуваат во Соединетите држави, но за разузнавачки следења или за испитувања на атмосферата. Сега ќе се испробуваат за извршување земјоделски работи и за испорака на производи.
