Турскиот министер за животна околина Ердоган Бајрактар денеска поднесе оставка. Тоа е трет министер во владата на премиерот Реџеп Таип Ердоган кој поднесе оставка. Претходно тоа го сторија министрите за економија и за внатрешни работи на Турција Зафер Чаглајан и Муамер Ѓулер Нивните синови се меѓу 24 уапсените во врска со корупцискиот скандал кој ја потресува Турција. Чаглајан во писмената оставка наведува дека истрагата е „заговор“ против Турција и владејачката Партија на правдата и развојот.
