Турскиот премиер Реџеп Таип Ердоган допатува денеска во Пакистан на разговори за зајакнување на соработката меѓу двете земји во енергетскиот сектор. Во Лахоре, Ердоган, во чија придружба се и неколкумина министри и бизнисмени, ќе потпише договор за турска инвестиција за изградба на термо-централа. Пакистанскиот премиер Наваз Шариф вети серија даночни олеснувања за турските инвеститори. Утре Ердоган ќе престојува и во главниот град Исламабад, каде што исто така се очекува потпишување неколку договори од енергетскиот сектор.
