„Видниот ефект од привлекувањето странски инвестиции, политиките за вработување и кредитната линија од Европската инвестициска банка што ја субвенционира Владата, се вкупно 39.450 отворени нови работни места во Македонија“. Ова го истакна вицепремиерот и министер за финансии Зоран Ставрески во текот на денешната расправа за предлог буџетот на државата за идната година, во реплика на пратеникот од СДСМ Оливер Спасовски кој ги критикуваше резултатите на власта во отворање работни места.
