Министрите за надворешни работи на земјите членки на ЕУ, на денешниот состанок на Советот за општи работи во Брисел, ќе решат каков заклучок ќе добие Македонија што ќе биде изгласан на Самитот на Европскиот совет в четврток и петок. Според нацрт заклучоците, шефовите на дипломатиите и по петти пат едноподруго ќе ја одбијат препораката на Европската комисија за доделување датум за почеток на преговорите за членство на Македонија во ЕУ. Во заклучоците, меѓу другото, се препорачува Европскиот совет да се врати на препораката за отворање на преговорите со Македонија на следниот Самит во јуни 2014 година.
