Во рамките на официјалната посета на Албанија, претседателот на Собранието на Македонија Трајко Вељаноски се сретна со својот колега Илир Мета, со претседателот на државата Бујар Нишани и со заменик премиерот Нико Пелеши. Притоа станало збор за регионалната соработка и за соработката во евроатлантските процеси. На средбите, како што соопшти кабинетот на Вељаноски, било дискутирано и за малцинствата при што е потенцирано дека на Албанците во Македонија и на Македонците во Албанија се гледа како на фактор кој наместо да дели, соединува, затоа што се своевидна органска врска меѓу двете држави.