Шефот на полициските сили во Киев Валери Мазан се закани со интервенција против демонстрантите кои до понеделник нема да ја испочитуваат судската наредба за прекин на блокадите на владините згради во Украина. Во земјавата продолжуваат про-европските протести со најави за блокада на административни згради и покрај заканите за насилно растурање на демонстрациите кои добиваат подршка од министрите за надворешни работи на западните земји. Украинскиот премиер Микола Азаров ги нарече демонстрантите нацисти и екстремисти додека неговиот заменик Серхијх Абзуров го одби предлогот на опозицијата за предвремени избори.
