Белата куќа повторно ги предупреди американските законодавци против воведувањето нови санкции кон Иран, образложувајќи дека тоа може да го поткопа времениот нуклеарен договор меѓу Техеран и светските сили. Портпаролот на Белата куќа, Џеј Карни, изјави дека воведувањето нови санкции, дури и ако е предвидено тие да стапат во сила за неколку месеци, може да го наведе Иран да помисли дека Вашингтон преговарал со лоша намера. Иран и шестте светски сили минатиот месец се договорија Иран да запре делови од нуклеарната програма, а за возврат да добие олеснување на санкциите.