Европската комисија и порача на Велика Британија дека за правилото за слобода на движење во рамките на Унијата не може да се преговара. Доколку Велика Британија сака да остане во Европската Унија, мора да го почитува и тоа правило, изјави денеска потпретседателот на Европската комисија Вивиен Ридинг. Ваквата реакција доаѓа откако британскиот премиер Дејвид Камерон најави дека Британија ќе воведе построги контроли за мигрантите од Романија и Бугарија и оти ќе го ограничи правото за слобода на движење и за некои други посиромашни земји – членки на Европската Унија.
