Силни експлозии одекнаа во јужен Бејрут. Запалени автомобили, оштетени згради и иранската амбасада. Се јавува за над 20 мртви.
Две експлозии одекнаа во близина на Иранската амбасада во Бејрут, при што се јавува за најмалку 22 загинати.
Амбасадата е оштетена, како и околните згради. Амбасадорот на Иран, Газанфар Рокн Абади, според либанските официјални преставници, бил однесен на безбедно место, а критично ранет бил Ибрахим Ансари, кој работел како аташе за култура.
На местото има запалени автомобили а на околните згради имало оштетувања. Подрачјето во кое е лоцирана Амбасадата се смета за упориште на шиитското движење Хезболах, кое е сојузник на сирискиот претседател Башар ал Асад.
Според првичните извештаи, нападот бил извршен од двајца бомбаши самоубијци, од кои едниот бил во автомобил. Ова подрачје на јужен Бејрут е на честа мета на одмазднички напади поради поврзаноста на Хезболах со сирскиот режим.
