Германскиот канцелар Ангела Меркел изјави дека мора да се восппостави ново ниво на доверба во односите меѓу нејзината земја и САД по наводите дека Вашингтон ги шпионирал и собирал податоци за граѓаните на Германија. Меркел го даде коментарот за време на вонредната седница на германскиот парламент кој расправаше за наводното шпионирање на САД, особено на телефонот на Меркел. Ова било откриено со документите што ги обелодени поранешниот соработник на американските разузнавачки служби Едвард Сноуден.
