Американската амбасадорка во Приштина Трејси Ен Џакобсон изјави дека зголемената безбедност на повторените избори во северна Митровица ќе ги осуети обидите за заплашување на гласачите. Во интервју за Радио Слободна Европа таа изјави дека секогаш имало и ќе има екстремисти, но оти многу луѓе работат да создадат поголема безбедност на трите избирачки места каде што изборите беа прекинати во почетокот на месецов.
