Мисијата на ЕУ која ја следи судбината на затворената поранешна премиерка на Украина Јулија Тимошенко е продолжена до Самитот на Унијата за Источно партнерство, што ќе биде одржан на 28 и 29 ноември во Вилнус, Литванија. Европскиот парламент вчера реши да ја продолжи мисијата предводена од поранешниот полски претседател Александар Квашњевски и екс-претседателот на Европарламентот Пат Кокс, откако во украинскиот парламент претходно вчера не беше постигната согласност за закон кој ќе и овозможи на Тимошенко да оди во Германија на медицински третман.
Парламентот за ова прашање повторно ќе расправа во вторник, а двајцата европски претставници веруваат дека шансите за донесување на законот се 50:50. Пуштањето на Тимошенко да се лекува во странство се смета како предуслов за ЕУ да потпише договор за асоцијација со Украина на Самитот во Вилнус.
Парламентот за ова прашање повторно ќе расправа во вторник, а двајцата европски претставници веруваат дека шансите за донесување на законот се 50:50. Пуштањето на Тимошенко да се лекува во странство се смета како предуслов за ЕУ да потпише договор за асоцијација со Украина на Самитот во Вилнус.