Премиерот Никола Груевски во рамки на посетата на Словенија попладнево се сретна со словенечкиот претседател Борут Пахор при што беа констатирани одличните пријателски односи, кои бележат постојан пораст и остварување на дијалог на највисоко ниво. На средбата, јави МИА, изразена е заедничка заложба за унапредување на економската соработка преку зголемување на трговската размена, соработка на полето на инвестициите и можноста да се вложува во повеќе специфични области каде постои капацитет за тоа.Премиерот Груевски го информираше словенечкиот претседател за реформите и напорите што ги прави Република Македонија на полето на интеграциите во ЕУ и НАТО.Словенечкиот претседател изрази силна поддршка на интеграциските процеси на државата истакнувајќи дека лично ќе се заложи за лобирање на тој план.