Сомалиските власти соопштија дека страхуваат оти стотина луѓе загинале во големото невреме што го зафати североисточниот дел на земјата. Станува збор за регионот Пунтланд кој бил погоден од поројни дождови и силни ветрови. Овој регион е дом на многумина таканаречени господари на војната и на пиратски банди кои вршат упади на бродови во Индискиот океан. Се наведува дека во Пунтланд своја база имале и милитанти на Ал Шабаб групата која е дел од терористичката мрежа на Ал Каеда.