Генералниот секретар на ОБСЕ Ламберто Заниер остро го осуди насилството во северна Митровица за време на локалните избори. „Тоа не е напад само врз личниот дигнитет, туку и врз правото на граѓаните да го искажат својот демократски избор. Очекуваме одговорните да бидат изнесени пред лицето на правдата“, се наведува во соопштението на ОБСЕ. Маскирани напаѓачи вчера го уништиле избирачкиот материјал во три гласачки места во северна Митровица.
