Државната комисија за спречување на корупцијата и мисијата на ОБСЕ организираат дводневна конференција за финансирањето на политичките партии и на изборните кампањи. На конференцијата ќе се обрати претседателот на Државната комисија Ѓорги Сламков, шефот на Мисијата на ОБСЕ во Скопје Ралф Брет, потпретседателот на Државната изборна комисија Субхи Јакупи, како и Роберт Лидл од Делегацијата на Европската унија. Во текот на состанокот ќе се разговара и за улогата на медиумите во финансирањето на изборните кампањи.
