Неколку вооружени бунтовнички групи во Сирија се спротиставуваат на иницијативата за меѓународна мировна конференција на која ќе присуствуваат претставници на режимот на сиријскиот претседател Башар ал Асад. Во соопштение од дваесетина исламистички бригади се наведува дека било какви преговори со присуство на претставниците од власта би било предавство кое треба да се казни во бунтовничките судови. Во соопштението се наведува дека било какво решение со кое не се става крај на военото владеење на режимот на Асад ќе биде одбиено.
