Организацијата за забрана на хемиското оружје денеска соопшти дека тимот инспектори посетиле 11 места што сириската влада ги посочила како дел од нејзиниот хемиски арсенал. Притоа, како што се додава, инспекторите уништиле важна опрема на шест места. Сириското хемиско оружје треба целосно да биде уништено до средината на идната година, откако Сирија се согласи на тоа по заканите на Соединетите држави за воени удари врз таа земја.
