Лидерот на авганистанските талибанци Мула Омар предупреди дека неговите борци ќе продолжат да се борат доколку Кабул го потпише безбедносниот договор со Соединетите држави, откако странските сили ја напуштат земјата по 2014 година. Пораката била дистрибуирана до медиумите преку електронска пошта. Авганистанскиот претседател Хамид Карзаи и американскиот државен секретар Џон Кери постигнаа прелиминарна спогодба за безбедносната соработка, но клучно прашање, за имунитетот на американски војници остана нерешено.
