Силен циклон ја погоди Индија предизвикувајќи ветер од 200 километри на час, кој што се пресели и во внатрешноста. Официјални лица за справување со катастрофи рекоа дека на патот на циклонот се наоѓаат 12 милиони луѓе. Најмалку седум жртви се пријавени, најмногу од паднати дрвја. Сепак, најголемата евакуација до сега во земјата, беше заслужна за спасување на многу животи. Циклонот Фалин се очекува да ја намали силата како се приближува кон внатрешноста во државите Одиша и Андра Прадеш. Пред 14 години слично невреме однесе над 10 000 жртви во истиот регион.
