Белата куќа соопшти дека американскиот претседател Барак Обама одлучил да ја номинира Џенет Јелен за гувернер на Федералните резерви, американската централна банка. Обама би требало формално да ја соопштии номинацијата подоцна денеска. Јелен на 67 годишна возраст е вицегувернер на Федералните резерви и доколку сенатот ја прифати нејзината номинација, таа ќе биде прва жена на чело со американската централна банка.
