Стотици демонстранти го блокираа главниот автопат во киргистанската провинција Исук Кул, барајки национализација на најголемиот рудник за злато Кумтор. Вчера во градот Каракол полицијата со солзавец и шок бомби ги растера демонстрантите, кои неколку часа држеа како заложници претставници на регионалните власти и се закануваа дека ќе ги запалат доколку нивните барања не бидат исполнети. 23-ца демонстранти беа уапсени. Демонстрации со барање за нациоанализација на рудникот имаше и во мај годинава, кога исто така имаше судири со полицијата, по што киргистанската влада почна да го преиспитува договорот со канадската фирма, која раководи со рудникот.
