Властите во јужната пакистанска провинција Балочистан соопштија дека бројот на загинати во земјотресот изнесува 400 луѓе. Во земјотресот со магнитуда од 7,7 степени што се случи на 24 септември и во земјотресот од 6,8 степени што уследи во саботата се повредени 800 луѓе а 100 000 лица останаа без домови. Според првичниот извештај во земјотресот загинале 500 лица. Спасувачките екипи во меѓувреме продолжуваат со својата работа во оваа пакистанска провинција.Армија употреби и хеликоптери за извлекување на повредените.Воениот персонал се најде и под напад од сепаратистите кои се активни во тој регион.
