Четворица пратеници од партијата Златна Зора ќе бидат изведени пред суд во Атина на прелиминарно сослушување во врска со обвиненијата за учество во криминална организација, која е одговорна, меѓу другото, и за убиства, напади и перење пари. Тие беа уапсени во минатиот викенд заедно со нивниот партиски лидер и неговиот заменик. Во акцијата на полицијата против Златна Зора, досега се уапсени вкупно 22 лица, а по 10 е издадена потерница. Златна Зора има 18 пратеници во грчкиот парламент и се заканува дека ќе го напушти, што би можело да предизвика нови избори.