Во најновиот извештај на Обединетите нации се наведува дека еден од осум жители на Планетава хронично гладува. Во извештајот се прецизира дека во периодот меѓу 2011 и 2013 година 842 милиона луѓе немале доволно храна за активен здрав живот. Ова е помалку од претходниот двегодишен период кога имало 868 милиони гладни луѓе. Во документот се објаснува дека тоа е резултат од економскиот пораст во развиените земји и зголемувањето на земјоделското производство. Подсахарска Африка и натаму останува регион каде што има најголема неисхранетост во светот.