Пакистанскиот премиер Наваз Шариф изјави дека со нетрпение го очекува состанокот со неговиот индиски колега за отпочнување нова ера во релациите меѓу двете досега ривалски земји. Во говорот на Генералниото собрание на Обединетите Нации, Шариф истакна дека Исламабад и Њу Делхи трошат огромни ресурси за оружје. Доколку имаме соработка, целиот регион ќе има бенефиции, истакна Шариф. Средбата на Шариф со индискиот премиер Манмохан Синг е предвидена за во недела во Њујорк.
