Специјалниот суд за Сиера Леоне денеска ја потврди пресудата од 50 години затвор за поранешниот претседател на Либерија Чарлс Тејлор. Тој е обвинет за воени злосторства извршени во Сиера Леоне, односно за вооружување и помагање на бунтовниците за време на граѓанската војна во таа земја од 1991 до 2002 година. Притоа загинале над 120 илјади луѓе. 65 годишниот Тејлор е првиот екс претседател на некоја држава кој е осуден за воени злосторства пред Меѓународниот суд во Хаг. Тој ќе ја отслужува казната во Британија.
