Претседателот на Венецуела, Николас Мадуро го откажа својот говор на Генералнотот собрание на ООН во Њујорк со образложение дека добил закани против него. Тој одби да изнесе детали но упати на двајцата американски државни претставници за кои често тврди дека стојат зад обидите за уривање на неговата влада. Мадуро и претходно во текот на месецов излезе со обвинувања против американската влада дека се обидува да предизвика колапс на неговата влада.
