Пакистанската армија е ангажирана за помош на настраданите од вчерашниот земјотрес во југозападен Пакистан. Според најновите информации, над 200 луѓе загинале, а стотици биле повредени во земјотресот со јачина од 7,7 степени. Земјотресот бил почуваствуван и во Карачи, кој е 250 километри од епицентарот, па дури и во главниот град на Индија, Њу Делхи. Според очевидци, од силината на земјотресот, се појавил и нов остров во близина на градот Гвадар, во Арапско Море.
