Безбедносните сили во главниот град на Кенија Најроби продолжуваат со борбите против исламистичките милитанти кои се забарикадирани во еден трговски центар. Властите велат дека во трговскиот центар има уште 10-15 вооружени напаѓачи, како и непознат број на цивили. Најмалку 59 луѓе загинаа од почетокот на нападот вчера, а повеќе од 1.000 луѓе се безбедно евакуирани. Екстремистичката организација Ал-Шабаб презеде одговорност за нападот, кој според нив е одговор на кениското учество во мисијата за стабилизација на Сомалија. Претседателот на Гана, Џон Драмани Махама, соопшти дека меѓу убиените во Најроби е и познатиот гански поет Кофи Авунор.