Јахјага-учеството на Србите на локалните избори е значајно

Косовската претседателка Атифете Јахјага изјави дека учество на Србите на локалните избори што ќе се одржат на трети ноември е многу значајно. Според неа, граѓаните на тој начин ќе придонесат во изградбата на демократско општество на Косово. Во интервју за Радио телевизија, Јахјага порачала и дека Резолуцијата 1244 на Обединетите нации е надмината уште од 2008 година, кога Косово прогласи незвисност. Таа наведува дека Косово сака да има добри односи со Србија и дека е убедена оти договорите меѓу двете земји ќе водат до целосно нормализирање на односите.