Турската полиција повторно интервенираше во Истанбул за растурање на илјадниците лица кои протестираа поради смртта на еден 22 годишен демонстрант во понеделникот во градот Антакија. Полицијата употреби солзавец, водени топови и гумени куршуми, со цел да спречи демонстрантите да се приближат до локалната канцеларија на владеачката Партија на правдата и развојот. Според турските медиуми инциденти имало и во главниот град Анкара и во Антакија. Турскиот премиер Реџеп Таип Ердоган ја обвини опозициската Републиканска народна партија дека ги организира немирите. Во Турција за шест месеци се закажани локални избори.