Евроамбасадорот Аиво Орав на денешната средба со лидерот ДУИ Али Ахмети, како што е соопштено од оваа партија, ја изразил загриженоста на Европската Унија околу новонастанатата ситуација меѓу Македонија и Косово по меѓусебните блокади на двете земји. Ахмети информирал дека синоќа разговарал со заменик премиерот на Косово Хајредин Кучи кој утре во Скопје ќе има состаноци со претставници на македонската влада за надминување на оваа ситуација. Ахмети го информирал Орав и за неговата посета во Атина.
