Иранскиот министер за надворешни работи Џавад Зариф, на својот Фејсбук профил напишал дека го осудува масакрот врз евреите од страна на нацистите за време на Втората светска војна, како и масакрот врз палестинците од страна на, како што се вели, ционистите. Осудата на Холокаустот од страна на висок ирански функционер всушност е пресврт во однос на политиката на претходниот ирански претседател Махмуд Ахмадинеџат, кој негираше дека Холокаустот воопшто се случил. Иако повеќемина ирански официјални личности имаат профили на Фајсбук и Твитер, досега само министерот Зариф е лично активен на социјалните мрежи.