Од последната четврта транша на кредитната линија од сто милиони евра од Европската инвестициска банка досега се искористени 71 милион евра, во тек на повлекување се осум милиони евра, а дваесетина милиони се очекува да бидат искористени до крајот на годината. Ова денеска го изјави премиерот Никола Груевски, најавувајќи дека Владата веќе ги финализира разговорите и за повелкување нова линија од 100 милиони евра од ЕИБ. Тој оцени дека намалувањето на јавниот долг на државата е добар показател во услови на светска економска криза. Јавниот долг заклучно со 31 јули годинава бележи намалување и според Министерството за финансии изнесува 33,6 проценти од БДП. „Процентот од околу 34 отсто е нешто што е петто место во Европа, а тоа е добро“, изјави премиерот Груевски.