Американскиот претседател Барак Обама ќе се сретне со лидерите од балтичките држави во Белата куќа. Американскиот претседател ќе биде домаќин на средба со неговите колеги од Естонија, Литванија и Латвија. Од Белата куќа соопштија дека на состанокот ќе се разговара за значајната трансформација на балтичките земји од нивната независност до денес. Теми на дискусија ќе бидат и регионалната соработка, енергетиката, одбраната и трговијата.