Мелбурн веќе третта година едно подруго, според испитувањето на „Економист Интелиџенс Јунит“, е најдобар град за живеење во светот. Главниот град на австралиската држава Викторија е пред Виена, по што следуваат три канадски градови: Ванкувер, Торонто и Калгари. Во првите десет места на листата од 140 градови се уште австралиските Аделаида, Перт и Сиднеј, финскиот Хелсинки и Оукленд во Нов Зеланд. Во рангирањето биле земени предвид пет категории: стабилност, здравствена заштита, култура и животна средина, образование и инфраструктура. На дното на списокот е сиријскиот главен град Дамаск.
