Оставка на шефот на бразилската дипломатија

Бразилскиот министер за надворешни работи Антонио Патриота поднесе оставка поради дипломатскиот спор со Боливија. Тој ја напушти функцијата откако претставник на бразилската амбасада во Ла Паз дозволил да биде употребен неговиот дипломатски имунитет во бегството на боливискиот опозицски сенатор Роџер Пинто во Бразил. Тој лани доби азил во бразилската амбасада откако беше обвинет за 14 кривични дела, меѓу кои и за корупција. Пинто ги отфрли обвинувањата како политички мотивирани.