Полицијата во Индија уапси втор осомничен за силувањето на жената фоторепортер која била жртва на петмина насилници додека била на работна задача. Нејзиниот машки придружник бил врзан и тепан од страна на насилниците. Жртавата се наоѓа во болница и според информациите е во стабилна сосотјба. Настанот повторно ја разбранува јавноста како и силувањето на студентката во автобус во Њу Делхи што се случи во декември кога имаше жестоки протести и заострување на казнената регулатива. Новото злосторство предизвика протести во Мумбаи и голем бес низ социјалните мрежи.
