Комисијата за настаните во Собранието од 24 декември ќе продолжи со работа во наредниве денови. Претседателот на Комисијата во заминување Борче Давитковски изрази надеж дека ќе има решение до петок. Лидерот на СДСМ Зоран Заев пред средбата рече дека очекува комисијата да констатира прекршување на Уставот. Премиерот Никола Груевски, пак, изрази надеж дека дијалогот ќе даде резултат и ја повика опозицијата да ги стави настрана партиските интереси.
