Министерството за финансии ја откажа денешната аукција на државни хартии од вредност. Ова е трет пат во еден месец Министерството да откаже предвидена аукција. „Целта е да се излезе во пресрет на барањето на бизнис заедницата за зголемување на понудата на пазарот на капитал со оставање повеќе слободни средства кај банките кои понатаму би се пласирале како кредити“ се вели во соопштението од државната институција.
